Search In Website

+37410592121

ԽՆԱՅԵ՛Ք ՁԵՐ ԺԱՄԱՆԱԿԸ

ԵՎ ՕԳՏՎԵ՛Ք ՄԵՐ ԱՌՑԱՆՑ ԾԱՌԱՅՈՒԹՅՈՒՆՆԵՐԻՑ

ՂԵԿԱՎԱՐ ԿԱԶՄ
Արևշատ Մելիքսեթյան Գործադիր տնօրեն

Ծնվել է 1983թ. Օգոստոսի 10-ին 

Արևշատ Մելիքսեթյանը ընկերության ակունքներից ի վեր եղել է թիմի անբաժանելի անդամը։ Ղեկավարել է ԻՆԳՈ ԱՐՄԵՆԻԱ-ն  զարգացման բոլոր առանցքային փուլերում: Միացել է ԻՆԳՈ Թիմին 2001 թվականին (այն ժամանակ Էֆես ԱՓԲԸ)՝ որպես գործակալ, իսկ 2002-ից մինչև 2016 թվականը ղեկավարել է ընկերության գրեթե բոլոր ուղղությունները։ Իր ուժեղ անհատական և մասնագիտական հմտությունների շնորհիվ 2016 թվականից զբաղեցնում է ընկերության գործադիր տնօրենի պաշտոնը 

Արևշատը իր մասնագիտական գործունեության ողջ ընթացքում ներգրավված է եղել ՀՀ-ում «ապահովագրություն» մասնագիտության և ապահովագրական մշակույթի զարգացման բոլոր առանցքային նախագծերում, ինչպիսիք են ՀՀ-ում ԱՊՊԱ համակարգի ներդրումը, տարբեր ուսանողական և կրթական ծրագրերի նախագահությունը, և այլն։ 

Արևշատ Մելիքսեթյանը տնտեսագիտության թեկնածու է, ինչպես նաև հանդիսանում է Քեմբրիջի համալսարանի Judge Business School–ի և Հայաստանի ամերիկյան համալսարանի գործարար կառավարման մագիստրոսի (MBA) շրջանավարտ։ Իր վաղ կրթությունը ստացել է Հայաստանի Պետական Տնտեսագիտական Համալսարանի Ապահովագրական Գործ բաժնում։ Գիտական կրթությունը շարունակել է ՀՀ Ֆինանսների և Էկոնոմիկայի նախարարության տնտեսագիտական հետազոտությունների ինստիտուտում, այնուհետև Երևանի Պետական Համալսարանում։ Թեկնածուական ատենախոսությունը պաշտպանել է 2007 թվականին։ 2018 թվականին ստացել է նաև Լոնդոնի Chartered Institute of Insurance Level 3 սերտիֆիկատ։ Դասավանդել է ՀՀ մի շարք բուհերում, իսկ ներկայումս դասավանդում է նաև Ռուսական Մոսկովյան Պետական Համալսարանի (МГУ) Մագիստրոսական Ծրագրերում:

Վարդան Գևորգյան Գործադիր տնօրենի առաջին տեղակալ

Ծնվել է 1988թ. հուլիսի 25-ին 

Վարդան Գևորգյանը իր աշխատանքային ուղին ԻՆԳՈ ԱՐՄԵՆԻԱ-ում սկսել է 2007 թվականից՝ որպես վերաապահովագրության և ֆինանսական հաշվետվությունների գծով մասնագետ։ 2011-16 թվականներին հանդիսացել է Ընկերության Ներքին աուդիտի ղեկավար, ինչպես նաև իրականացրել է Որակի վերահսկողությունը և Հատուկ Ծրագրերի ներդրումը։ Ընկերության հիմնական ներքին ընթացակարգերը և զարգացման կարևորագույն նախագծերը մշակվել են Վարդանի ղեկավարության ներքո։ 2016 – 2022 թթ․ զբաղեցրել է Ընկերության Ֆինանսական գծով Գործադիր տնօրենի տեղակալի պաշտոնը, և ղեկավարում է Ֆինանսական, հաշվապահական հաշվառման, իրավաբանական, ՏՏ և զարգացման այլ ուղղությունները։ 2022թ-ից առ այսօր զբաղեցնում է Գործադիր տնօրենի առաջին տեղակալի պաշտոնը։

Վարդան Գևորգյանը տնտեսագիտության թեկնածու է։ 2004-ից 2010 թվականներին սովորել է Հայաստանի պետական տնտեսագիտական համալսարանի ապահովագրական գործ բաժնի բակալավրիատում և մագիստրատուրայում։ Գիտական կրթությունը նույնպես շարունակել է Հայաստանի պետական տնտեսագիտական համալսարանում։ Թեկնածուական ատենախոսությունը պաշտպանել է 2016 թվականին։ 2009 թվականին ստացել է նաև Լոնդոնի Chartered Institute of Insurance Level 3 սերտիֆիկատ։ 

Իրինա Արությունովա Գործադիր տնօրենի տեղակալ զարգացման գծով

Ծնվել է 1982թ. հուլիսի 15-ին 

Իրինա Արությունովան իր աշխատանքային ուղին ԻՆԳՈ ԱՐՄԵՆԻԱ-ում սկսել է 2004 թվականին՝ որպես գործավար։ 2006 թվականից սկսած ներգրավված է եղել նաև Ընկերության վերաապահովագրության գործունեության մեջ, իսկ 2007-ից ղեկավարել է նաև Ընկերության Ապահովագրության գործունեության վարչությունը։ 2011 թվականից մինչև 2017 թվական հանդիսացել է Ընկերության Գործադիր տնօրենի տեղակալ՝ Վերաապահովագրության և Անդերրայթինգի գծով, իսկ 2017-ից առ այսօր զբաղեցնում է Զարգացման Գծով Գործադիր Տնօրենի պաշտոնը։ Իրինան պատասխանատու է Ընկերության վերաապահովագրական գործունեության, ռազմավարական զարգացման և առանցքային ծրագրերի իրականացման համար։  

1999 – 2004 թվականներին սովորել է Ռուս-Հայկական (սլավոնական) համալսարանի միջազգային էկոնոմիկայի ֆակուլտետում, որին զուգահեռ նաև ուսուցանել է Թուլեյնի համալսարանի A.B. Freeman School of Business-ում՝ որպես Fullbright ծրագրի կրթաթոշակառու։ 2013 թվականին ավարտել է Քեմբրիջի համալսարանի Judge Business School-ի MBA ծրագիրը։ Կովկասյան տարածաշրջանում եզակի անձանցից է, ով ունի ունի Լոնդոնի Chartered Institute of Insurance (CII) դիպլոմ։ Ներկայումս Իրինան դասավանդում է նաև Հայաստանի Ամերիկյան Համալսարանում։ 

Արմեն Պետրոսյան Գործադիր տնօրենի տեղակալ անվտանգության գծով

Ծնվել է 1973թ. հունիսի 11-ին 

Արմեն Պետրոսյանի փորձառությունը ապահովագրության մեջ սկսվել է 2004 թվականից՝ որպես Պետապ Հայաստան ՓԲԸ հատուցումների բաժնի գլխավոր մասնագետ, իսկ 2007-ին՝ ապահովագրական աշխատանքների կազմակերպման և ընդհանուր հարցերի գծով փոխտնօրեն։ Նախքան ապահովագրության գործունեությունը իր աշխատանքային փորձառությունը սկսել է 1991 թվականից՝ որպես լուսանկարիչ, խմբագիր, այնուհետև շարունակել է որպես ավագ դատական փորձագետ, իրավաբանական գործառնությունների բաժնի վարիչ, և այլն։ 

2007 – 10 թվականներին ղեկավարել է Գրիար-Ինշուրանս ՓԲԸ։ Միացել է ԻՆԳՈ ԱՐՄԵՆԻԱ-ին 2010 թվականին՝ որպես Ակվիզիցիոն վարչության պետ, այնուհետև ղեկավարել է հատուցումների վարչությունը՝ որպես Գործադիր տնօրենի տեղակալ, իսկ 2012-17 թվականներին հանդիսացել է Ընկերության Խորհրդի անդամ։ 2017 թվականից առ այսօր զբաղեցնում է Ընկերության Անվտանգության գծով Գործադիր տնօրենի տեղակալի պաշտոնը, և պատասխանատու է Ընկերության ներքին և արտաքին ֆինանսական  անվտանգության համար։ 

Արմեն Պետրոսյանը 1995 թվականին ավարտել է ԼՂՀ Պետական համալսարանի ռուսաց լեզվի և գրականության բաժինը, ինչպես նաև ուսուցանել է Դատական փորձաքննությունների գիտահետազոտական լաբորատորիայում։ 2003-2006 թվականներին սովորել է նաև Արցախյան համալսարանի ասպիրանտուրայում։ 2009 թվականից առ այսօր դասավանդում է նաև Ռուս-Հայկական Սլավոնական Համալսարանում։ 

Արմեն Պետրոսյանին շնորհված պարգևներն են՝ Մայրական երախտագիտության մեդալ՝ հայրենանպաստ գործունեության համար, և  

Երախտագիտության մեդալ՝ հայրենիքին մատուցած ծառայությունների համար։ 2021 թվականին ԱՀ նախագահի կողմից շնորհվել է «Մարտական ծառայության մեդալով» Արցախյան երկրորդ պատերազմի ընթացքում մարտական խնդիրների հաջող կատարմանը նպաստելու համար:

Լիլիթ Շմավոնյան Գործադիր տնօրենի տեղակալ կորպորատիվ բիզնեսի գծով

Ծնվել է 1980թ. դեկտեմբերի 25-ին 

Լիլիթ Շմավոնյանը զբաղեցնում է ԻՆԳՈ ԱՐՄԵՆԻԱ ԱՓԲԸ-ի Կորպորատիվ վաճառքների վարչության ղեկավարի պաշտոնը: ԻՆԳՈ Թիմին միացել է 2012 թվականին՝ ղեկավարելով Կորպորատիվ հաճախորդների սպասարկման բաժինը։ Մինչ այդ Լիլիթն աշխատել է Կասկադ Ինշուրանս ԱՓԲԸ-ում՝ 2007-12 թվականներին ղեկավարելով Անդերրայթինգի բաժինը և զբաղվելով կորպորատիվ հաճախորդների համար ապահովագրության տարբեր տեսակների մշակմամբ և զարգացմամբ: Ապահովագրության մեջ աշխատանքային փորձը սկսել է Փրայմ Ինշուըրնս Ապահովագրական Բրոքերս ՍՊԸ-ում՝ 1998 թվականից սկսած։ Այսօր Լիլիթը պատասխանատու է ԻՆԳՈ ԱՐՄԵՆԻԱ-ի կորպորատիվ հաճախորդների ինչպես սպասարկման, այնպես էլ ներգրավման և վերջիններիս հայտերի որակյալ սպասարկման համար։ 

Լիլիթը Շմավոնյանը տնտեսագիտության թեկնածու է։ 2002 թվականին ավարտել է Երևանի Պետական Տնտեսագիտական Համալսարանը, այնուհետև գիտական կրթությունը շարունակել է նույն Համալսարանի ասպիրանտուրայում և 2007 թվականին պաշտպանել ատենախոսությունը: 2009 թվականին ստացել է նաև Լոնդոնի Chartered Institute of Insurance Level 3 սերտիֆիկատ։ Շուրջ 12 տարի դասավանդել է Հայաստանի Պետական Տնտեսագիտական Համալսարանում, Ռուս-Հայկական Սլավոնական Համալսարանում և Հայաստանի Կառավարման Ակադեմիայում:

Ալվինա Բալբաբյան Գլխավոր հաշվապահ

Ծնվել է 1952թ. հունվարի 14-ին 

Ալվինա Բալբաբյանը կանգնած է ԻՆԳՈ-ի գործունեության ակունքներում։ Ղեկավարում է Ընկերության հաշվապահական գործունեությունը 2004 թվականից սկսած՝ որպես Գլխավոր հաշվապահ։ Նախքան ԻՆԳՈ-ին միանալը իր աշխատանքային ուղին սկսել է 1973 թվականին՝ Երևանի ֆիզիկայի ինստիտուտում, որպես ճարտարագետ։ Այնուհետև 1992-98 թվականներին աշխատել է Արմենմոտորսում՝ որպես ճարտարագետ և որպես Գլխավոր հաշվապահի տեղակալ։ Այնուհետև աշխատել է նաև Հայկական Ավիաուղիներում և Բիզնես Կոնսալտ ընկերություններում՝ զբաղեցնելով առաջատար հաշվապահի, հաշվապահի տեղակալի, ապա նաև հաշվապահի առաջին տեղակալի պաշտոնները։ Այսօր Ալվինա Բալբաբյանը պատասխանատու է Ընկերության ճիշտ և գրագետ հաշվապահական հաշվառման վարման համար։ 

1973 թվականին ավարտել է Երևանի Կ. Մարքսի անվան պոլիտեխնիկական ինստիտուտը՝ ստանալով ինժեներ-էլեկտրիկի որակավորում։ 

Հայկ Հովհաննիսյան Անձնական ապահովագրության հատուցումների վարչության ղեկավար

Ծնվել է 1981թ մարտի 16-ին 

Հայկը Հայաստանի և Արցախի ամենաճանաչված և հեղինակավոր բժիշկներից է, անեսթեզիոլոգ-ռեանիմատալոգ։ ԻՆԳՈ Թիմին միացել է 2007 թվականին՝ որպես բժիշկ-փորձագետ, իսկ 2011 թվականից սկսած հանդիսանում է Անձնական ապահովագրության հատուցումների վարչության ղեկավար։ Նախքանի ԻՆԳՈ-ին միանալը աշխատել է «ԷՐԵԲՈՒՆԻ» ԲԿ անհետաձգելի բուժօգնության ծառայությունում՝ որպես բուժակ, այնուհետև անեսթեզիոլոգ-ռեանիմատալոգ, ապա ԵՊԲՀ-ի անեսթեզիոլոգիայի, ռեանիմատոլոգիայի և ինտենսիվ թերապիայի ամբիոնում՝ որպես ավագ լաբորանտ։ 2008-10 թվականներին զինվորական ծառայություն է անցել ԼՂՀ-ի Կենտրոնական կայազորային զինվորական հոսպիտալում՝ որպես անզգայացման և վերակենդանացման բաժանմունքի բաժնի պետ։ Այսօր Հայկը պատասխանատու է ԻՆԳՈ ԱՐՄԵՆԻԱ-ում ապահովագրված անձանց անձնական հայտերի բարձրակարգ սպասարկման համար։  

Հայկը համատեղ դասախոսում է ԵՊԲՀ-ի անեսթեզիոլոգիայի, ռեանիմատոլոգիայի և ինտենսիվ թերապիայի ամբիոնում և աշխատում Հերացի թիվ 1 համալսարանական հիվանդանոցային համալիրում՝ որպես անեսթեզիոլոգ-ռեանիմատոլոգ։ 2004 թվականից առ այսօր Հայկ Հովհաննիսյանը հանդիսանում է ՀՀ անեսթեզիոլոգ-ռեանիմատոլոգների ասոցացիայի անդամ: 

Ավարտել է ԵՊԲՀ-ի բուժական ֆակուլտետը և կլինիկական օրդինատուրան՝ «Անեսթեզիոլոգիա, ռեանիմատոլոգիա և ինտենսիվ թերապիա» մասնագիտությամբ։ 

Լևոն Քոչարյան Անդերրայթինգի բաժնի ղեկավար

Ծնվել է 1994թ. Հունվարի 1-ին։ 

Լևոն Քոչարյանը ԻՆԳՈ Թիմին միացել է 2014 թվականից, և ներգրավված է ԻՆԳՈ ԱՐՄԵՆԻԱ ԱՓԲԸ անդերրայթինգի և կորպորատիվ հաճախորդների սպասարկման աշխատանքներում, իսկ 2018 թվականից սկսած հանդիսանում է նաև Ընկերության անդերրայթինգի ղեկավարը։ Հիմնական գործառույթներն են ընկերության անդերրայթինգային շահույթի ապահովումը, պորտֆելների գնահատումը և վնասաբերության կառավարումը, ինչպես նաև նոր պրոդուկտների մշակումը, ներդրումը և զարգացումը։ Պատասխանատու է նաև Ընկերության Մարքեթինգի և տեխնոլոգիական զարգացման որոշ ուղղությունների համար։ 

ԻՆԳՈ ԱՐՄԵՆԻԱ-ի բուն գործունեությունից զատ կոորդինացնում է նաևwww.insurebusiness.amապահովագրության վերլուծական հարթակի աշխատանքները, ինչպես նաև հանդիսանում է Հայաստանում Գյուղական Տարածքների Տնտեսական Զարգացման Հիմնադրամի Ներդրումային Կոմիտեի այլընտրանքային անդամ։ 

Լևոն Քոչարյանը տնտեսագիտության թեկնածու է։ 2014 թվականին ավարտել է ՀՊՏՀ տնտեսագիտության բակալավրը, այնուհետև զուգահեռ ստացել է Հայաստանի Ամերիկյան համալսարանի իրավագիտության մագիստրոսի և ՀՊՏՀ ֆինանսական ֆակուլտետից՝ տնտեսագիտության մագիստրոսի որակավորում։ 2020 թվականին պաշտպանել է «ՀՀ-ում Գյուղատնտեսության ապահովագրության կատարելագործման ուղիները» թեմայով ատենախոսությունը։ 2021 թվականին ստացել է նաև Լոնդոնի Chartered Institute of Insurance Level 3 սերտիֆիկատ։ 

Լուսինե Ավագյան Ներքին աուդիտի ղեկավար

Ծնվել է 1989թ. ապրիլի 4-ին 

Լուսինե Ավագյանը իր աշխատանքային գործունեությունը սկսել է 2010 թվականին «Գրանթ Թորնթոն» ՓԲԸ-ում՝ որպես Աուդիտոր, այնուհետև՝ Ավագ աուդիտոր (աուդիտորական առաքելության խմբի ղեկավար)։ 2017 թվականին Լուսինեն տեղափոխվել է ԻՆԳՈ ԱՐՄԵՆԻԱ ԱՓԲԸ և մինչ օրս ստանձնում է Ընկերության Ներքին Աուդիտի ղեկավարի պաշտոնը։ Պատասխանատու է Ընկերության ներքին ընթացակարգերի ապահովման և պահպանման, ինչպես նաև ռիսկերի կառավարման համար: 

Լուսինեն 2011 թվականին ավարտել է Երևանի պետական համալսարանի Տնտեսագիտության ֆակուլտետը։ Այնուհետև ստացել է նաև մագիստրոսի կոչում՝ Հաշվապահական հաշվառում և աուդիտ մասնագիտացմամբ: 

Անահիտ Գուլյան Պատասխանատու ակտուար

Ծնվել է 1980թ մայիսի 14-ին 

Անահիտ Գուլյանը 2018 թվականից առ այսօր հանդիսանում է ԻՆԳՈ ԱՐՄԵՆԻԱ Պատասխանատու ակտուարը։ Մինչ այդ նույն պաշտոնը զբաղեցրել է Ռեսո ԱՓԲԸ-ում, իսկ մինչև ապահովագրական ընկերություններին միանալը ակտուարական գործունեություն է ծավալել Բի-Դի-Օ Արմենիա և ԲԵՅՔԵՐ ԹԻԼԼԻ ԱՐՄԵՆԻԱ ընկերություններում։ Աշխատել է նաև Կոկա Կոլա ՀԲՔԱ-ում՝ որպես Տեխնիկական տնօրենի օգնական, արտադրության վերլուծաբան, և Նորք ՏՎԿ-ում՝ որպես Ակտուար-վերլուծաբան, ակտուարական բաժնի պատասխանատու։ Ունի ակտուարական աշխատանքի ավելի քան 20 տարվա փորձ։ 

Անահիտ Գուլյանը ֆիզմաթ գիտությունների թեկնածու է, դոցենտ։ 2001 թվականին ավարտել է ԵՊՀ ակտուարական մաթեմատիկա բաժնի բակալավրիատը, իսկ 2003 թվականին՝ միևնույն բաժնի մագիստրատուրան։ 2014 թվականին հաջողությամբ պաշտպանել է ատենախոսությունը։  

ԸՆԿԵՐՈՒԹՅԱՆ ԽՈՐՀՈՒՐԴ
Ալեքսեյ Իլյուշենկո Խորհրդի նախագահ

Ծնվել է 1973թ․-ին:

Աշխատանքային գործունեություն`

  • 2019թ․ մինչ այժմ ԻՆԳՈ ԱՐՄԵՆԻԱ ԱՓԲԸ Խորհրդի նախագահ
  • 2018թ․ մինչ այժմ ԻՆԳՈՍՏՐԱԽ ԱԲԲԸ Ուղիղ ներդրումների վարչության ղեկավար
  • 2016-2018թթ․ ՄՈՍՈԲԼԲԱՆԿ ԲԲԸ Ռազմավարության և մարքեթինգի վարչության ղեկավար, ստրատեգիական գծով փոխնախագահ
  • 2015-2018թթ․ ՍՄՊ ԲԱՆԿ ԲԸ, Ստրատեգիական զարգացման գծով տնօրեն, ռազմավարության և մարքեթինգի վարչության ղեկավար, Ստրատեգիական զարգացման բլոկի ղեկավար
  • 2004-2014թթ․ ՊՐՈՄՍՎՅԱԶԲԱՆԿ ԲԲԸ, Կորպորատիվ հաճախորդների սպասարկման վարչության ղեկավարի տեղակալ, ուղղության խորհրդատու, ստրատեգիական զարգացման գծով տնօրեն-փոխնախագահ, ստրատեգիայի և զարգացման գծով տնօրեն-փոխնախագահ

Կրթություն`

  • 2002-2004թթ․ Բութր բիզնես դպրոց / Չիկագո, Բիզնես կառավարում
  • 1990-1995թթ․ Մոսկվայի առևտրի համալսարան , Համաշխարհային տնտեսագիտություն
Ալեքսանդր Ռումյանցև Խորհրդի անդամ

Ծնվել է 1971 թ.-ին:

Աշխատանքային գործունեություն`

  • 2021թ․ մինչ այժմ ԻՆԳՈ ԱՐՄԵՆԻԱ ԱՓԲԸ Խորհրդի անդամ
  • 2019թ․ մինչ այժմ ԻՆԳՈՍՍՏՐԱԽ ԱԲԲԸ Ուղիղ ներդրումների վարչության տնօրենի տեղակալ
  • 2016-2019թթ. ՍՄՊ Բանկ ԲԸ Տեղեկատվական և վերլուծական բաժնի ղեկավար
  • 2015-2016թթ. ՄՍՊ Բանկ ԲԲԸ Կորպորատիվ և ստրատեգիական զարգացման վարչության ղեկավար
  • 2008-2015թթ. ՊՐՈՄՍՎՅԱԶԲԱՆԿ ԲԲԸ Ստրատեգիական վերլուծության և ֆինանսական մոդելավորման գծով տնօրեն

Կրթություն`

  • 1989-1994թթ. Մոսկվայի Պետական Համալսարան, Կիրառական մաթեմատիկա
  • 2000-2003թթ. Էկոնոմիկայի Բարձրագույն Դպրոց, Ֆինանսներ
Վալերիա Կարդանովա Խորհրդի անդամ

Ծնվել է 1989թ․-ին:

Աշխատանքային գործունեություն

  • 2022թ․ մինչ այժմ ԻՆԳՈ ԱՐՄԵՆԻԱ ԱՓԲԸ, խորհրդի անդամ
  • 2021թ․ մինչ այժմ ԻՆԳՈՍՏԱՐԽ ԱԲԲԸ, Բիզնես գործընկեր, Կորպորատիվ կառավարման բաժնի ղեկավար,Խմբի դուստր ընկերությունների կորպորատիվ կառավարում
  • 2022թ․ մինչ այժմ ԻՆՎԵՍՏ ՆԵԴՎԻԺԻՄՈՍՏ ՍՊԸ,գործադիր տնօրեն
  • 2022թ․ մինչ այժմ ԻՆՎԵՍՏ ՊՈԼԻՍ ԲԸ,տնօրենների խորհրդի անդամ
  • 2022թ․ մինչ այժմ ԱՐՏԱԿԱՐԳ ԱՊԱՀՈՎԱԳՐԱԿԱՆ ԸՆԿԵՐՈՒԹՅՈՒՆ ԲԸ, տնօրենների խորհրդի անդամ
  • 2022թ․ մինչ այժմ ԻՆԳՈ ՈՒԶԲԵԿԻՍՏԱՆ ԱՓԲԸ, տնօրենների խորհրդի անդամ
  • 2021-2022թթ․ ԻՆԳՈՍՏՐԱԽ-ՆԵՐԴՐՈՒՄՆԵՐ ԲԸ, տնօրենների խորհրդի անդամ
  • 2015-2021թթ․ ԻՆԳՈՍՏՐԱԽ-ԼԱՅՖ ԻԿ ՍՊԸ, ներքին աուդիտոր
  • 2015-2018թթ․ ԻՆԳՈՍՏՐԱԽ ԱԲԲԸ, ծրագրերի ղեկավար, ներքին աուդիտ
  • 2011-2015թթ․ ՓՐԱՅՍՈՒՈԹՐՍՀԱՈՒՍԿՈՒՊԵՐՍ ԱՈՒԴԻՏ,ավագ խորհրդատու աուդիտոր, արտաքին աուդիտ, խորհրդատվություն, գնահատում

 

 

Կրթություն

  • 2021թ․ Լիազորված հաշվապահների ասոցացիա (ACCA) – անդամ
  • 2006-2011թթ․ Միջազգային հարաբերությունների Մոսկվայի պետական ինստիտուտ,Առևտրական հարաբերություններ մասնագիտությամբ
Նելսոն Զուլոյան Խորհրդի անդամ

Ծնվել է 1978 թ․-ին:

Աշխատանքային գործունեություն՝

  • 2020թ․ մինչ այժմ ԻՆԳՈ ԱՐՄԵՆԻԱ ԱՓԲԸ, Խորհրդի անդամ
  • 2018թ․ մինչ այժմ «ՎԱՐԴԱՆԱՆՑ» ՆՈՐԱՐԱՐԱԿԱՆ ԲԺՇԿԱԿԱՆ ԿԵՆՏՐՈՆ, Զարգացման և ռազմավարական ծրագրերի գծով տնօրեն
  • 2017-2018 թթ. ՀՀ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅՈՒՆ, Աշխատակազմի ղեկավար
  • 2012-2017 թթ. «ԱՌՈՂՋԱՊԱՀԱԿԱՆ» ԾԻԳ ՊՀ, Տնօրեն
  • 2007-2012 թթ. «ՖԱՐՄ-ԱԴԱՄԱ» ՍՊԸ, Զարգացման և արտաքին կապերի տնօրեն
  • 2006-2007 թթ. «CADA», Իրավախորհդատու և թարգմանիչ
  • 2003-2006 թթ. «DEFSTER» ԱՄԵՐԻԿՅԱՆ ԸՆԿԵՐՈՒԹՅՈՒՆՆԵՐԻ ԽՈՒՄԲ, Ընկերության ներկայացուցիչ Եվրոպայում
  • 2001-2004 թթ. «LORI.COM», Հիմնադիր-տնօրեն

Կրթություն`

  • 2000-2001 թթ. Սորբոնի համալսարան, Քաղաքագիտություն
  • 1997-2000 թթ. Սորբոնի համալսարան, Իրավաբանություն
Իվան Ռիբակով Խորհրդի անդամ

Ծնվել է ՝ 1979 թ․-ին։

Աշխատանքային գործունեություն

  • 2022թ․ մինչ այժմ ԻՆԳՈ ԱՐՄԵՆԻԱ ԱՓԲԸ, խորհրդի անդամ
  • 2018թ մինչ այժմ ԻՆԳՈՍՏՐԱԽ ԲԲԸ, իրավաբանական վարչության տնօրենի տեղակալ
  • 2010-2018թթ․ ԻՆԳՈՍՏՐԱԽ ԲԲԸ, իրավաբանական վարչության փոխտնօրեն- ընդհանուր իրավական պրակտիկայի վարչության պետ

 

Կրթություն

  • 1996-2001թթ․ Մոսկվայի Մ․ Վ․ Լոմոնոսովի անվան պետական համալսարան, իրավաբանություն։

Վերջին թարմացում: