ԳՅՈՒՂԱՏՆՏԵՍՈՒԹՅՈՒՆ
ՆԿԱՐԱԳՐՈՒԹՅՈՒՆ
Ո՞ՒՄ ՀԱՄԱՐ Է ՆԱԽԱՏԵՍՎԱԾ
Սույն Պրոդուկտը մշակվել է Գերմանական KFW բանկի համաֆինանսավորմամբ՝ ՀՀ Կենտրոնական բանկի և վերջինիս կողմից ներգրավված Խորհրդատուներից կողմից: Ծրագրի շրջանակներում Պետությանը տրամադրվել է 5,000,000 ԵՎՐՈ գրանտ՝ ՀՀ–ում գյուղատնտեսական ռիսկերից ապահովագրությունը ներդնելու համար: Ծրագիրը պիլոտային է՝ 5 տարի ժամկետով:
Գյուղատնտեսության ապահովագրության պրոդուկտը նախատեսված է գործունակ ֆիզիկական կամ իրավաբանական անձանց համար, ովքեր տիրապետում, վարձակալում և/կամ շահագործում են պտղատու այգի, դաշտ, հողատարածք։
Ի՞ՆՉ ԿԱՐՈՂ Է ԱՊԱՀՈՎԱԳՐՎԵԼ
Գյուղատնտեսության ապահովագրության պայմանագիրը կնքվում է այն Ծիրանի, Խաղողի, Խնձորի, Դեղձի և Հացահատիկային մշակաբույսերի (աշնանացան և գարնանացան) պտղատու այգիների, դաշտերի, հողատարածքների համար, որոնց
- Տարածքը 0.5 հա–ից մեծ է,
- Համայնքում ցանկալի է առկա լինի գործող հակակարկտային կայան,
- Այգում միայն մի տեսակի ծառեր են, այսինքն խառը այլ տեսակի մշակաբույսեր չկան,
- Ծիրանի դեպքում՝ 5–30 Տարեկան, Խաղողի դեպքում՝ 5 տարեկանից բարձր այգիներ,
- Ունեն Կադաստրային կամ վարձակալության վկայագիր և/կամ այլ իրավական փաստաթղթեր, որտեղ հստակ երևում է այգու մակերեսը:
Ի՞ՆՉ ԾԱԾԿՈՒՅԹ Է ՏՐԱՄԱԴՐՎՈՒՄ
- «Կարկուտ» – վերաբերում է․
- ծառերի հատվածների հյուսվածքներին (բողբոջներ, տերևներ, ծաղիկներ, մրգեր, հատիկներ, ցողուններ, ճյուղեր) հասցված ֆիզիկական վնասմանը
- «Հրդեհ» – ներառում է․
- հրդեհի հետևանքով (ծուխ, մուր) բողբոջներին, ծաղիկներին, պտուղներին հասցված վնասը
- հրդեհը մարելու միջոցառումների իրականացման ժամանակ ապահովագրված բերքին հասցված վնասը։*
* չի վերաբերում որթատունկի և ծառերի վնասմանը։
- «Գարնանային ցրտահարություն»** – ներառում է․
- սառեցման կետից ցածր ջերմաստիճանի պատճառով ծառերի հատվածների հյուսվածքների՝ բողբոջների, ծաղիկների, փոքր պտուղների սառեցման վնասները
** վերաբերում է այն ժամանակահատվածին, երբ բույսերը ձմեռային հանգստից հետո վերականգնում են իրենց վեգետացիան։
ՉԱՊԱՀՈՎԱԳՐՎՈՂ ՌԻՍԿԵՐ
- Ձմեռային ցրտահարումներ,
- Վնասատուներ, հիվանդություններ,
- Վայրի կենդանիներ,
- Արտադրական խափանումներ,
- Զանգվածային անկարգություններ,
- Հրդեհ (arson),
- Այգիներ, որոնք անընդհատ վնասվում են կամ բերք չեն տվել վերջին 2 տարիների ընթացքում,
- Այլ հստակ չապահովագրվող ռիսկեր:
ԱՊԱՀՈՎԱԳՐԱԿԱՆ ՊԱՏԱՀԱՐ ՉԵՆ ՀԱՄԱՐՎՈՒՄ
- ծառերի, դրանց մասերի հանկարծակի կոտրվածքներ կամ վնասում, եթե այն ապահովագրական պատահարի հետևանքով չէ, ներառյալ դրանց փտումը, ծառերի և դրանց մասերի վրա խոնավության, բորբոսի ի հայտ գալը,
- ապահովագրված բերքի շուկայական արժեքի տատանման, ֆինանսական ցանկացած կորստի և կամ վնասի հետևանքով՝ եկամտի կորուստ, հարկեր, տուրքեր, տուգանքներ, վարկային պարտավորություններ,
- հալոցքի կամ հորդառատ անձրևների արդյունքում ստորգետնյա ջրերի հետևանքով ծառերի վնասումը,
- ցանկացած տեսակի աղտոտման, քիմիական կամ այլ կենսաբանական նյութերի հետևանքով առաջացած վնասը,
- ծառերի հիվանդությունների, միջատների հետևանքով առաջացած վնասը,
- hրդեհի հետևանքով, որի պատճառ է հանդիսացել Ապահովադրի կամ այլ անձի կողմից կրակ վառելը, ներառյալ բերքը ցրտահարությունից փրկելու նպատակով:
ՈՐՏԵ՞Ղ Է ԳՈՐԾՈՒՄ ԱՊԱՀՈՎԱԳՐՈՒԹՅՈՒՆԸ
- Ապահովագրված այգիները, դաշտերը, հողատարածքները պետք է գտնվեն ՀՀ–ի հետևյալ մարզերում՝
Մշակաբույս
Ռիսկ
Ծիրան, խաղող
Կարկուտ և հրդեհ
Դեղձ, խնձոր, հացահատիկ
Կարկուտ և հրդեհ
Ծիրան, խաղող, դեղձ
Գարնանային ցրտահարում
Արարատ V V V Արմավիր V V V Արագածոտն V V – Կոտայք V V – Տավուշ V V – Վայոց Ձոր V V – Լոռի – V – Գեղարքունիք – V – Շիրակ – V – Սյունիք – V –
Մնացած այլ գործոնների ազդեցության դեպքում հասցված վնասը չի փոխհատուցվելու:
Ի՞ՆՉ ԱՆԵԼ ՊԱՏԱՀԱՐԻ ԴԵՊՔՈՒՄ
- Ապահովագրական պատահարի տեղի ունենալուց հետո ոչ ուշ, քան 48 ժամվա ընթացքում հեռախոսի, էլեկտրոնային փոստի միջոցով (Պայմանագրում նշված կոնտակտային տվյալներով) տեղեկացնել Ապահովագրողին: Հրդեհի դեպքում անհապաղ դիմել Արտակարգ իրավիճակների նախարարության «911» ծառայությանը:
- Վնասված բերքը մինչև վնասի գնահատումը պահել ապահովագրական պատահարի հետևանքով առաջացած վիճակում, եթե վնասի նվազեցման որևէ միջոցառում անհրաժեշտ չէ:
- Բերքի մասնակի վնասված լինելու դեպքում բերքահավաքի ժամանակահատվածի սկզբում, ոչ ուշ, քան բերքահավաքից 15 օր առաջ տեղեկացնել Ապահովագրողին, որպեսզի վերջինս բերքի ուսումնասիրություն իրականացնելու հնարավորություն ունենա:
ՊԱՅՄԱՆԱԳՐԻ ԿՆՔՈՒՄԸ
Ի՞ՆՉ ԺԱՄԿԵՏՈՎ Է ԿՆՔՎՈՒՄ ՊԱՅՄԱՆԱԳԻՐԸ
- Պայմանագիրը կնքվում է ֆիքսված ժամկետով.
| Մշակաբույս | Ռիսկ | Վաճառքի վերջնաժամկետ | Ապահովագրական պայմանագրի գործողության ժամկետ |
| Ծիրան | Կարկուտ և հրդեհ | Մարտ 25 | Մարտի 1–ից մինչև Օգոստոսի 25–ը։ |
| Գարնանային ցրտահարում | Փետրվար 15 | Մարտի 1–ից մինչև Օգոստոսի 25–ը։ | |
| Խաղող | Կարկուտ և հրդեհ | Մարտ 25 | Ապրիլի 1–ից մինչև Հոկտեմբերի 30–ը։ |
| Գարնանային ցրտահարում | Փետրվար 15 | Մարտի 1–ից մինչև Հոկտեմբերի 30–ը։ | |
| Խնձոր | Կարկուտ | Ապրիլ 20 | Մայիսի 1–ից մինչև Հոկտեմբերի 10–ը (կամ պտղիկի ձևավորման և/կամ ձևավորման փուլից ոչ շուտ)։ |
| Դեղձ | Կարկուտ և հրդեհ | Մարտ 20 | Ապրիլի 1–ից մինչև Հոկտեմբերի 10–ը։ |
| Գարնանային ցրտահարում | Փետրվար 15 | Ապրիլի 1–ից մինչև Հոկտեմբերի 10–ը։ | |
| Աշնանացան ցորեն/գարի | Կարկուտ և հրդեհ | Մայիսի 1 | Ապրիլի 1–ից մինչև Սեպտեմբերի 1–ը։ |
| Գարնանացան ցորեն/գարի | Կարկուտ և հրդեհ | Մայիսի 1 | Մայիսի 1–ից մինչև Հոկտեմբերի 1–ը (կամ ոչ շուտ քան գարնանացան հացահատիկի թփակալման ժամանակաշրջանից)։ |
Ի՞ՆՉ ԳՈՒՄԱՐՈՎ Է ԻՐԱԿԱՆԱՑՎՈՒՄ ԱՊԱՀՈՎԱԳՐՈՒԹՅՈՒՆԸ
Ապահովագրական գումարը թե՛ կարկուտի, թե՛ ցրտահարության դեպքում կարող է լինել․
| № | Ապահովագրական ծածկույթ (1 հա) | ||
| Ծիրան | Խաղող | Դեղձ | |
| 1 | 400 000 ՀՀ դրամ | 750 000 ՀՀ դրամ | 800 000 ՀՀ դրամ |
| 2 | 600 000 ՀՀ դրամ | 1 000 000 ՀՀ դրամ | 1 000 000 ՀՀ դրամ |
| 3 | 800 000 ՀՀ դրամ | 1 250 000 ՀՀ դրամ | 1 300 000 ՀՀ դրամ |
| 4 | 1 000 000 ՀՀ դրամ | 1 500 000 ՀՀ դրամ | |
| 5 | 1 200 000 ՀՀ դրամ | 1 800 000 ՀՀ դրամ | |
- Կարկուտի ռիսկից խնձորի ապահովագրության դեպքում
| № | Ավանդական այգիներ (ՀՀ դրամ/1հա) |
Կիսաինտենսիվ այգիներ (ՀՀ դրամ/1հա) |
Ինտենսիվ այգիներ (ՀՀ դրամ/1հա) |
| 1 | 500,000 | 2,000,000 | 4,000,000 |
| 2 | 800,000 | 4,000,000 | 6,000,000 |
| 3 | 1,000,000 | 6,000,000 | 8,000,000 |
- Կարկուտ և հրդեհ ռիսկերից աշնանացան հացահատիկի (ցորեն/գարի) ապահովագրության դեպքում
| № | Ոռոգվող դաշտեր (ՀՀ դրամ/1հա) |
Չոռոգվող դաշտեր (ՀՀ դրամ/1հա) |
| 1 | 300,000 | 250,000 |
| 2 | 350,000 | 280,000 |
| 3 | 380,000 | 330,000 |
- Կարկուտ և հրդեհ ռիսկերից գարնանացան հացահատիկի (ցորեն/գարի) ապահովագրության դեպքում
| № | Ոռոգվող դաշտեր (ՀՀ դրամ/1հա) |
Չոռոգվող դաշտեր (ՀՀ դրամ/1հա) |
| 1 | 250,000 | 200,000 |
| 2 | 280,000 | 230,000 |
| 3 | 300,000 | 250,000 |
ՈՐՈ՞ՆՔ ԵՆ ԵՆԹԱՍԱՀՄԱՆԱՉԱՓԵՐԸ
- Ծիրան և Դեղձ մշակաբույսերի Գարնանային ցրտահարման դեպքում առավելագույն փոխհատուցումը կարող է կազմել հասցված վնասի կամ 50%, կամ 100%` կախված պայմանագրից:
- Մնացած մշակաբույսերի և իրենց համապատասխան ռիսկերի դեպքում առավելագույն փոխհատուցումը կարող է կազմել հասցված վնասի մինչև 100%–ի չափով:
ԻՆՉՊԵ՞Ս Է ՎՃԱՐՎՈՒՄ ԱՊԱՀՈՎԱԳՐԱՎՃԱՐԸ
Ապահովագրավճարը մասամբ սուբսիդավորվում է պետության կողմից։
«Կարկուտ» և «Հրդեհ» ռիսկերից ծիրանի և խաղողի հողատարածքների ապահովագրավճարի սուբսիդիան 50% է, իսկ գարնանային ցրտահարության ռիսկից ծիրանի և խաղողի հողատարածքների ապահովագրավճարի սուբսիդիան 60% է:
ՈՐՔԱ՞Ն Է ՉՀԱՏՈՒՑՎՈՂ ԳՈՒՄԱՐԸ
- Յուրաքանչյուր այգու ապահովագրության ապահովագրական գումարի 10%
Ի՞ՆՉ ՓԱՍՏԱԹՂԹԵՐ ԵՆ ԱՆՀՐԱԺԵՇՏ ՊԱՅՄԱՆԱԳԻՐ ԿՆՔԵԼՈՒ ՀԱՄԱՐ
- Կազմակերպության տվյալները,
- հողամասի սեփականության վկայականը /վարձակալության պայմանագիրը/
- այլ իրավական փաստաթղթեր
- էլ. հասցե
Գյուղատնտեսության ապահովագրության կանոններ
