![](https://ingoarmenia.am/uploads/2024/03/Rafik-Suvaryan-e1711026855583-260x270.png)
Աշխատանքային գործունեություն
Ռաֆիկ Սուվարյանը իր աշխատանքային գործունեությունը սկսել է 2008 թ.-ի հունվարից ՌԴ «Տռոյկա Դիալոգ» ներդրումային ընկերությունում որպես գործառնական դեպարտամենտի կրտսեր մասնագետ: Շարունակելով մասնագիտական աճը տարբեր ֆինանսական կառույցներում զբաղեցրել է հետևյալ պաշտոնները` FX և ՄՄ խմբի մասնագետ, վարկային մասնագետ, ռիսկերի ավագ մասնագետ, խոշոր հաճախորդների վարկային ռիսկերի բաժնի պետ, ռիսկերի վերլուծական ծառայության ղեկավար, ռիսկերի գծով տնօրեն, վարչության անդամ։
2023 թ․ նոյեմբերից գլխավորում է Ինգո ապահովագրական ընկերությունը։
Դասավանդում է Հայաստանի Ամերիկյան Համալսարանում։ Հանդիսանում է «Ավելի լավ փող» և «Պատերազմ պարոն Ռիսկի հետ» գրքերի համահեղինակ։
Կրթություն
Ռաֆիկ Սուվարյանը 2008 թ․ ավարտել է ՌԴ Կառավարությանն առընթեր Ֆինանսական համալսարանի Բանկային գործ բաժինը։ 2010 թ․ ավարտել է ԱՄՆ Թաֆթս համալսարանի Ֆլետչերի Իրավունքի և Դիվանագիտության դպրոցը։ 2021 թվականին ավարտել է Օքսֆորդի համալսարանի SAID բիզնես դպրոցը` ստանալով Բիզնեսի կառավարման Մագիստրոսի կոչում։
![](https://ingoarmenia.am/uploads/2024/03/DSCF6912-2-scaled-e1711026932430-260x270.jpg)
Աշխատանքային գործունեություն
Անի Ամիրշադյանը իր աշխատանքային գործունեությունը սկսել է 2009 թ.-ի հունվարից «Ֆինքա Հայաստան» վարկային կազմակերպությունում որպես Ներքին վերահսկողության մասնագետ: 2013 թ.-ից ի վեր զբաղեցրել է ղեկավար հաստիքներ տարբեր ֆինանսական կազմակերպություններում: 2019-2021 թթ. ղեկավարել է ՀՀ Սոցիալական Ապահովության Ծառայությունը, այնուհետև աշխատանքի է անցել ՀՀ կենտրոնական Բանկ՝ որպես Գործընթացների զարգացման և նախագծերի կառավարման վարչության պետ:
2023 թ․ դեկտեմբերից հանդիսանում է Ինգո ապահովագրական ընկերության գործադիր տնօրենի տեղակալ զարգացման գծով, այնուհետև՝ գործադիր տնօրենի առաջին տեղակալ։
Կրթություն
Անի Ամիրշադյանը 2010 թ․ գերազանցությամբ ավարտել է Հայաստանի Պետական Տնտեսագիտական Համալսարանի Կառավարում բաժինը՝ ստանալով մագիստրոսի կոչում։
Ամուսնացած է, ունի երկու աղջիկ:
![](https://ingoarmenia.am/uploads/2024/03/DSCF7088-1-e1711027610856-260x270.png)
Աշխատանքային գործունեություն
Գայանե Պետրոսյանը 2012 թ․ սկսել է իր աշխատանքային գործունեությունը ֆինանսաբանկային ոլորտում։ 2017 թ․ սկսած Գայանե Պետրոսյանը աշխատում է Ինգո ապահովագրական ընկերությունում, որպես Կորպորատիվ հաճախորդների ներգրավման ավագ մասնագետ։
2023 թ․ սեպտեմբերից Գայանե Պետրոսյանը ստանձնել է Կորպորատիվ վաճառքների և սպասարկման դեպարտամենտի ղեկավարի պաշտոնը։
Կրթություն
Գայանե Պետրոսյանը 2003 թ․ ավարտել է Երևանի Պետական Համալսարանի Միջազգային հարաբերությունների բաժինը ստանալով բակալավրի աստիճան։ 2005 թ․ ավարտել է համանուն բաժնի մագիստրատուրան ստանալով մագիստրոսի աստիճան։
![](https://ingoarmenia.am/uploads/2024/03/Zhasmen-Minasyan-e1711027716127-260x270.png)
Աշխատանքային գործունեություն
Ժասմեն Մինասյանը 2009 թ-ին աշխատել է որպես գլխավոր հաշվապահ ԱԼՖԱ Ինշուրանս ապահովագրական ընկերությունում, այնուհետև 2010-2013 թթ-ին գլխավոր հաշվապահի պաշտոն է զբաղեցրել Արմենիա ինշուրանսում, նույն ընկերությունում 2013-2014 թթ-ին աշխատել է որպես ներքին աուդիտի ղեկավար և 2014-2023 թթ-ին վերանշանակվել նորից գլխավոր հաշվապահի պաշտոնում։
2023-2024 թթ-ին աշխատել է որպես գլխավոր հաշվապահ հանրապետության ամենախոշորագույն լիզինգային՝ ԱԿԲԱ լիզինգ ընկերությունում։
2024 թ-ից Ժասմեն Մինասյանը վերադարձել է ապահովագրական շուկա, զբաղեցնելով շուկայի առաջատար ապահովագրական ընկերություններից մեկի՝ Ինգո ապահովագրական ընկերության գլխավոր հաշվապահի պաշտոնը։
Կրթություն
Ժասմեն Մինասյանը նախնական կրթությունը ստացել է հանրապետության ուժեղագույն մաթեմատիկական թեքումով դպրոցներից մեկում՝ ավարտելով այն գերազանցությամբ։
1987 թ-ին գերազանցությամբ ավարտել է Երևանի ժողտնտեսության համալսարանի տնտեսագիտական կիբեռնետիկա ֆակուլտետը՝ ստանալով տնտեսագետ-ինժեներ մասնագիտությունը։
2021 թ-ից հանդիսանում է Փորձագետ հաշվապահների և աուդիտորների պալատի անդամ։
2022 թ-ից ստացել է Փորձագետ հաշվապահի որակավորում։
![](https://ingoarmenia.am/uploads/2024/04/DSCF7205-scaled-e1712822304338-260x270.jpg)
Աշխատանքային գործունեություն
Գարիկ Հովհաննիսյանը իր աշխատանքային գործունեությունը սկսել է 2010 թ.-ի դեկտեմբերից «Ֆինքա» վարկային կազմակերպությունում որպես ֆինանսական հաշվետվությունների մասնագետ, այնուհետև՝ ղեկավարել հաշվետվությունների ստորաբաժանումը: 2017–2020 թթ․ տեղափոխվել է «Ֆինքա» ընկերության գլխամասային գրասենյակին կից ստորաբաժանում, որպես հաշվետվությունների և կոնսոլիդացիայի գծով վերլուծաբան: 2020-2024 թթ. աշխատել է «Մարդը Կարիքի Մեջ» հասարակական կազմակերպությունում՝ որպես հայաստանյան ներկայացուցչության գործառնական ղեկավար:
2024 թ․ մարտից հանդիսանում է Ինգո ապահովագրական ընկերության ֆինանսատնտեսական դեպարտամենտի տնօրեն։
Կրթություն
Գարիկ Հովհաննիսյանը 2012 թ․ ավարտել է Հայաստանի Պետական Տնտեսագիտական Համալսարանի Ֆինանսներ բաժինը՝ ստանալով մագիստրոսի կոչում։